PM-in January 13-ah Z-Morh tunnel hawng dawn

Prime minister Narendra Modi chuan January 13 hian Kashmir tlawhin, Sringar-Leh National Highway-a infrascture project pawimawh tak, Z-Morch tunnel siam chu a hawng dawn.

Z-Morh tunnel hmang hian Ladakh leh ram pum inkarah inkalpawhna ṭha leh awlsam, all weather road connectivity a siam thei dawn a ni. Thlasik laia Jammu and Kashmir tlawhtute tan a ṭangkai zual dawn hle niin Jammu and Kashmir chief minister Omar Abullah chuan a sawi. Hei bakah sipaite tan pawh a ṭangkai dawn hle a ni.

He tunnel hi km 6.5-a thui niin, lane hniha zaua ni a, Gagangir leh Sonamarg inkarah siam a ni. A siamna atan hian Rs vbc 2,716.90 vel hman a ni. Tunnel awmna hi ft 8,652-sang niin, kum 2018 aṭang khan hna hi thawh ṭan a ni. Tunnel siamtute hian hawn aṭanga kum 15 chhung an enkawl zui ang. Nikum October thla khan firfiak pahnihten Ganagnir-a tunnel siam han thawktute awmna camp luhkhungin an pawng kah a, mi pasarih an thi. Thi zingah hian tualchhung mi doctor pawh a tel.

Jammu and Kashmir-ah hian road tunnel 20 siam ni tawhin, Ladakh-ah 11 siam a ni bawk.