Hyderabad-ah CAA dodalna 'Million March'

Muslim group leh ci­vil society organisation-te huaihawtin Inrinni khan Hyderabad-ah Citizenship (Amendment) Act (CAA) duh lohna lantirin 'Million March' neih a ni. 

Kawngzawh hi bo­ruak muanawm tak hnuaiah neih a ni a, mi nuai khat chuang an tel a ni. Hyderabad khawpuiah hian mi maktaduai sarih dawn an cheng a, an zinga 40% chuang hi Muslim an ni. Kawngzawhnaa tel tur hian hmun hrang hrang aṭangin Hyderabad hi an pan a, police-ten mi 1,000 chin chauh punkhawm phalsak mah se mi nuai chuang zetin kawng hi an zawh a ni. Kawngzawhte hian CAA an duh loh thu leh, hnukkir leh tura sorkar laipui an phutna thuziakte an keng a ni. 

Inrinni vek khan Hyderabad bakah chhim lam khawpui dang ṭhenkhatah pawh CAA duh lohna kawngzawh hi huaihawt a ni bawk.