Salahuddin-a'n India nena inzawmna titawp turin Pakistan ngen
Hizbul Mujahideen hotu Syed Salahuddin chuan Kashmir buaina chungchang chu boruak ṭha tak hnuaia chinfel theih a nih loh chuan India nena palai an intirh tawnna chu titawp turin Pakistan a ngen.
Islamabad-a press conference a neihah he thu hi sawiin, Salahuddin chuan Kashmir-a Hizbul Mujahideen commander Burhan Wani thah a nih vanga buaina chhuak chu chinfel dan kawng ngaithuah turin Pakistan a ngen tih a sawi. Pakistan chuan Kashmir mite puitu tur a ni, a ti bawk.
United Nations Security Council-in Kashmir chungchanga resolution a siam chu sawichhuakin, UN-ah hian hetiang resolution 18 zet hi pharh ni tawh mah se, ngaihsak a hlawh lo a ni, a ti. Ram hrang hrangte hnenah India rama ambassador an dahte pawh ko kor turin a ngen.