Kashmir chungchang House-ah sawiho dawn

Union Home Minister Rajnath Singh chuan Kashmir tualchhung buaina thleng mek chungchang chu vawiin hian Rajya Sabha-ah sawiho a ni dawn tih a sawi.

Vawiina upper house rorel inkhawmahhian Question Hour leh Zero Hour hmang loin, Kashmir chungchang hi sawiho a ni zawk ang.

MP hrang hrangten Kashmir-a Hizbul Mujahideen commander Burhan Wani kahhlum a nih hnuah tualchhung mite leh security force-te inkara buaina nasa tak chhuak chungchang House-a sawiho phuta sorkar an nawr hnuah minister hian sawiho tura an inpeih thu hi Thawhlehni khan a sawi a ni. Eptute hian thil awmdan enfiah turin Jammu and Kashmir-ah central team an phut bawk.

Hetihlai hian Kashmir Valley-ah Thawhlehni khan a ni 32-na atan punkhawm khapna dan hman chhunzawm a la ni a, dan leh thupek kengkawh turin security force ṭhahnem tham tak duty tir an ni bawk. Sumdawnna hmun leh zirna in te pawh khar chhunzawm a la ni.