Sorkar laipuiin bekang thar lakkhawm hun pawtsei

Sorkar laipui chuan ramchhunga bekang thar chhuah lakkhawm leh hralh chhuah a nih theihna tur atana hun a ruahman chu ti danglamin, Maharashtra leh Rajasthan aṭanga thar chhuah lakkhawm hun tura a tih chu pawhsei sak niin Agriculture Minister Shivraj Singh Chouhan chuan Thawhṭanni khan a sawi.

Bekang thar chhuahte lakkhawm hun hi hun tiam tih danglam a nih hma hian Maharashtra tan January 12 thleng niin, Rajasthan tan January 15 thleng tih a ni a, mahse ni 15 chhung atan hun tiam hi pawhsei sak leh an ni. Bekang thar lakkhawm hun pawhsei leh hi state pahnih sorkar ten an ngenna avanga tih sak an nih thu Chouhan hian a tarlang.

Sorkar chuan Telangana aṭanga bekang an lakkhawm tawh zat tarlangin ton 25,000 lakkhawm tawh a nih bakah hei hian thar chhuah tur chin bituk chu a tlin teuh hle tawh niin a tarlang. Ramchhung aṭanga bekang tharchhuah zawng zawng hi ton nuai 13.68 a tling tawh niin Chouhan hian a sawi bawk.

Maharashtra leh Rajasthan-ah hian thlai thar lakkhawm hna hi kalpui mek niin Price Support Scheme(PSS) hman a ni. Sorkar chuan bekang thar chhuah hi Minimum Support Price(MSP) in quintal-ah Rs 4,892 in a leisak. Chouhan chuan kartin Thawhṭanni apiangin Krishi Bhavan-ah thlai thar dinhmun, hralhna man zat, lakkhawmna hmasawn dan leh sik leh sa dinhmun te ennawn reng tum a ni, tiin a sawi.