Exam buatsaih leh August 17-a result tichhuak turin hriattir

Supreme Court chuan nimin khan Central Board of Secondary Education (CBSE) hnenah All India Pre-Medical Test (AIPMT) buatsaih ṭha tur leh, August 17-ah result tichhuak turin a hriattir.

May 5-a AIPMT 2015 examination buatsaih chu Question leh answer key putruk vangin Supreme Court chuan a hnawlsak a, kar li chhunga exam buatsaih ṭha leh turin CBSE hi a hriattir a ni.

Mahse CBSE chuan exam buatsaihna atan hun tam zawk an mamawh thu leh, kar li chhunga zirlai nuai 6 chuang exam na tur buatsaih leh chu thil theih a nih loh thu a sawi. Hei vang hian hun pek belh turin court-ah hian a ngen a ni.

CBSE ngenna hi nimin khan Supreme Court chuan a ngaihtuah hnuah hun pek belh a remti a, exam hi buatsaih a, August 17-a result tichhuak turin a hriattir ta a ni.