NGO-te sum hmuh dan enfiahna dan khauh zawk siam

Home Ministry chuan Non-governmental orga­nisation (NGO) ten ram pawn lam aṭanga ṭanpuina sum an dawn ṭhin dante enfiahna tur dan khauh zawk a siam thar.

Ministry dan siam thar hnuaiah hian NGO-ten ram pawn lam aṭanga sum an hmuhte, human rights, democratic rights, natural resources leh sakhaw lam thila sum a hman dante chhui chian a niang.

Ramchhunga NGO zawng zawngte chuan ramdang aṭanga ṭanpuina sum an dawn aṭanga kar khat chhungin an website-ah sum petu leh an sum hmuh zat kimchang takin an tarlang tur a ni a, hei bakah hian bank-te pawhin rampawn aṭanga pawisa thawnluh a nih aṭanga darkar 48 chhungin sorkar hnenah an report vek tur a ni bawk.