Motor tlan chak vangin Delhi Deputy CM Rs 400 chawitir

Delhi Deputy Chief Minister Manish Sisodia chu a driver-in phal chin aia chaka motor a khalh avangin Traffic Police-in Rs 400 a chawitir.

June 12 khan Khajuri Chowk-a traffic police constable chuan Deputy CM driver hi phal chin aia chaka a tlan avangin ding turin a hrilh a, mahse driver hi a din duh loh avangin an umzui a, darkar khat zet an um hnuah umphain, car hnung lama chuang Deputy CM Sisodia chu Rs 400 chawina tur challan hi an pe a ni.

Deputy CM hian traffic police-te challan pek angin a chawi tur zat pawh hi ṭha takin a pe nghal nia sawi a ni bawk.