Hnam hla sak phal lotu school manager man

Allahabad-a MA Convent School-a India hnam hla sak a phalloh avangin, he school manager Zia-ul Hag chu man a ni.

Zia-ul Haq hian national anthem-a 'Bharatr Bhagya Vi≠dhata' tih chu Islam sakhaw rindan nena inkalh a ni tiin, an school morning assembly-ah sak a phal lo a ni. Hei vang hian school principal leh zirtirtu pariatte chu an lo bang tawh bawk.

Thuneitute chuan MA Convent School hi chhuichian a ni dawn tih sawiin, he zirna hi education department-in a hriat≠pui loh a nih avangin Thawhṭanni aṭang khan khartir a ni bawk. He school-a zirlai 300 c haungte chu zirna in danga an kal dan tur ngaihtuah sak nghal an ni bawk.

Education official-te chuan school hi a hma pawhin khar turin an lo titawp niin an sawi a, manager Zai-ul Hag chu phalna nei loa school a din vangin Prevention of Insults to National Honour Act hnuaiah thubuai siamsak a ni tawh tih an sawi.

Hetihlai hian Haq chuan a ṭanchhan hi sawifiahin, "Supreme Court pawhin national anthem-ah hian mi a sakhaw rin dan kalh zawng thu a awm a nih chuan sak lo a phalsak a ni" a ti.