Kal hralhnaa inhnamhnawih doctor panga man

Mumbai-a private hospital pakhatah kal (kidney) hmang≠a sumdawnna an kalpuinaa inhnamhnawiha puh doctor pang≠a-te chu man an ni a, an zingah hian hospital CEO leh director pawh an tel.

Thawhlehni zan khan Hiranandani Hospital-a thawk doctor panga - Dr Sujit Chattarjee (CEO), Dr Anurag Naik, Medical Director, Dr Mukesh Shete, Dr Mukesh Shah leh Dr Prakash Shetty te chu man a ni a, an ni panga nen hian he thil kaihhnawiha mante hi mi 12 an tling tawh.

July thla khan Mumbai police-te chuan Hiranandani Hospital-ah dan kalha kal hralh ruk a nih ṭhin thu an sawi a, kal dawngtu leh a petu tam zawk hi inlaichinna nei lo an ni a, kal thlak pawh hi document lem hmangin an buaipui ṭhin a ni. Police-te chuan hemi chungchang hi chhui zuiin, hospital-a thawk eng emaw zat an inhnamhnawih tih an hre≠chhuak a ni.

Hospital thupuangtu chuan hei hi an mahni pawhin an chhui chian mek thu a sawi. Doctor panga mante hi The Transplantation of Human Organ Act, 1994 hnuaiah thubuai siamsak nghal an ni tih police-te chuan an sawi.