Zakir Naik-a'n ram dang aṭangin Rs vbch 60 dawng

Mumbai Police-te chuan Islamic Research Foundaton (IRF) dintu, Islamist preacher Zakir Naik-a'n sum a hmuh dan an chhui meknaah kum thum kalta chhung khan rampawn lam aṭangin cheng vaibelchhe 60 a dawng tih an hmuchhuak.

Heng sumte hi ram pathum aṭangin Naik-a tan hian thawn a ni a, a chhungte mi panga account-ah thun ṭhin a ni. Foundation tan ni loin, Naik-a tan bika thawn a nih thu official chuan a awi.

Police-ten Islamist rawngbawltu hi dan kalha thilti leh firfiaka chetna thilah inhnamhnawihna neia puh a nih vangin an chhui mek a ni. Amah hi Saudi Arabia ramah a zin bo mek avangin Maharashtra Chief Minister Devendra Fadnavis chuan India rama thawn kir thuai tura a ngen rin a ni.

Thla hma khan Naik-a foundation, IRF hian mi 800 chu donation an dawn aṭangin sum ṭhahnem tham tak pein Islam sakhuaah a inleh tir nia sawi a ni.

Kum 50 mi, Naik hi inhuatna leh pawikhawihna chawk tho thei zawnga thusawia puh a nih vangin a TV channel pawh khap sak tura nawr mek a ni bawk.