Forest Rights Act hmang turin hriattir

Sorkar laipui chuan Forest Rights Act la hmang lo state pakua-te chu hmang thuai turin a hriattir.

Tribal affairs secretary Arun Jha chuan state pakua- Bihar, West Bengal, Himachal Pradesh, Karnataka, Kerala, Uttarakhand, Telangana, Uttar Pradesh leh Jharkhand-a chief secretary-te ṭheuh hnenah lehkha thawnin, Forest Rights Act hi hmang turin a hriattir.

Tribal Affairs Ministry chuan state hrang hrangte chu Act an kalpui dante enfiah tura special cell siam turin a ti bawk.

Act hi Congress kaihhruai UPA sorkar laia pass a ni tawh a, he dan hi ramhnuaia khawsa te, Scheduled Tribe-te tiamin, an dikna chanvo humhalhna atana siam a ni.