US Ambassador Garcetti-in India thlahna thu sawi

US ambassador kalchhuak tur, Eric Garcetti chuan thlahna thu a sawiah, India-a hun a hman dan leh a thil tawn hlu tak takte sawi langin, hmasawnna tur leh hmalam hun atana ram pahnih ten thawh hona ṭha an neih theihna tur te a tarlang tel.

Garcetti chuan, "Tleirawl ka nih laia India rama ka lo kal hmasak ber ṭum khan he ram hian engtin nge ka thinlung a hneh ang tih pawh ka hre lo. Heta ka awm chhung hian he hnam danglam tak hi ka zirchiang thei a – Mumbai khawpui kawngpui lun tak tak aṭanga Kolkata khawpui hnam ziarang lanna bakah, Himalaya tlang hnuai leh Arunachal Pradesh tlang hnuai aṭanga India chhim lam tawp ber Kanyakumari thlengin. India ram atanga thil tam tak ka zir chhuah lai hian ka hriatchhuah tak chu United States leh India hi an thawh dun hian an ṭhat pui zawk tih hi a ni" a ti.

US leh India hian thawhdunna ṭha leh chak zawk siam turin hma an la chho zel.

Nimin khan Bengaluru-ah US chuan consulate thar a hawng a, a hawnna inkhawm hi US ambassador Eric Garcetti bakah exsternal affairs minister S Jaishankar leh Karnataka chief minister Siddaramaiah ten an hmanpui.

He consulate hi a building tur peihfel a nih hma chuan Vittal Mallya Road-a JW Marriot Hotel-ah kalpui a ni rih dawn a ni. Bengaluru-a US consulate hawn a nih tur thu hi kum 2023, June thlaa PM Modi-a'n US a tlawh ṭum khan puan a lo ni tawh a ni.