Ganga-a lawng chesualah mi 3 an thi

Bihar-a Katihar district huam chhunga Ganga luiah nimin, Pathianni khan lawng chesualin mi pathum in nunna an chan a,mi dang pali chu chin hriat lohin an awm mek bawk.

Lawng chesualah hian mi 17 an chuang a, an chetsualna hmuntak hi Golaghat Adabad huam chhung niin an sawi.

Chhiatna thlenna hmunah hian lawnga chuang mi 10 te chu chhan chhuah nghal an nih thu official-te chuan tarlangin, damchhuak te hi luikam a in hleuh kai thei hi a tam zawk an ni tih an sawi bawk.

District Magistrate Manesh Kumar Meena chuan," Chhanchhuah hna hi rang taka thawkin mi bo te zawng hian thawh chhuah nghal a ni. He thil thlen dan kimchang zawka chhui hna hi thawh mek a ni bawk" tiin a sawi. Chhiat tawk zinga an hriat theih chinte tarlangin Pawan kumar kum 60 leh Sudhir Mandal kum 70 te a nih thu sawiin, a dang hi hriat theih an la nih loh thu a sawi.