RS-ah MP-te hlawh tihsan phût

Rajya Sabha member-te chuan nimina Zero Hour an hmanah an hlawh leh allowance-te tihsan an ph˚t.

MP-te chuan sorkar laipuiin a hnathawkte hlawhbi thar siamna, 7th Pay Commission a hman dawn avangin MP-te hlawh chu PA te hlawh aiin a tlem tawh zawk dawn tia sawiin, cabinet secretary hlawh aia tisang turin an ph˚t tih an sawi.

Samajwadi Party MP, Ram Gopal Yadav chuan MP-te hlawh chu Delhi MLA-te hlawh aiin a tlem tawh zawk a, Maharashtra MLA-te hlawh siamṭhat hnuah an hlawh chanve pawh an lak phak dawn loh bakah, Telangana MLA-te hlawh hmun thuma ṭhena hmun khat chauh an hlawh pha tawh niin a sawi.

Yadav chuan ramchhungah thil man a san zel laiin mipui tam tak lo dawr leh dawngsawngtu, MP-te hlawh erawh chu khawih danglam a ni ve lo a ni, a ti.

July thla khan SP hian MP-te hlawh leh allowance chungchang ngaihtuahtu, Yogi Adityanath kaihhruai Parliamentary Committee-in hlawhbi thar tura rawtna a siamte chu a rang thei anga hman an lo phut tawh bawk a ni.

Yadav chuan 7th Pay Commission hman a nih chuan MP-te hlawh chu Cabinet Secretary hlawhbi thar aiin a sang zawk tur a ni, a ti. Hlawhbi thar hman a nih hunah chuan Cabinet Secretary hian thla khatah cheng nuai 2.5 a hlawh tawh dawn a ni.

Parliamentary Committee hian rawtna a siamah chuan MP-te hlawh leh allowance hi a leta tihsan a rawt a, thla khata cheng nuai 2.8 hlawh turin rawtna a thehlut tawh a ni. Congress MP Anand Sharma chuan committee rawtna hi sawiho a, lungrual taka an pawm hnuah sorkar laipui chu a la ngawi tlat niin a sawi.

Anand Sharma chuan, "Prime Minister zinna senso atana sorkarin cheng vaibelchhe tel a sen laiin, MP-te hlawh chu a tisang duh lo a ni" a ti.