LS-ah Kashmir resolution pass

Lok Sabha chuan nimin khan Kashmir Valley-a buaina thleng mek chungchang sawi≠hoin lungrual takin resolution an pass a, boruak muanawm a a awm leh theihna tura theihtawp chhuah turin pawl hrang hrangte an ngen.

Member-te resolution pass hi Speaker Sumtira Mahajan chuan a chhiar chhuak a, Jammu & Kashmir-a pawl hrang hrangte chu mipuite rilru ralmuang taka an awm theihna tura hma la turin a ngen a ni.

House chuan buaina chhuak vanga nunna chan leh hliam tuar eng emaw zat an awm chu pawi a tih thu a sawi bawk.

Lok Sabha member-te chuan ram inpumkhatna, lungrualna leh himna tichhe thei thil engmah a thlen an duh loh thu an sawi a, mipuite tawrhna tireh turin boruak ralmuang a awm theih nana a rang thei anga hma lak a ngai tih an sawi.

Resolution pass hma hian Congress member Mallikarjun Kharge chuan Kashmir Valley boruak chu a ṭhat loh chhoh zel avangin House chuan Kashmir chungchangah resolution a pass a ngai tih a sawi a, an buaina chinfel a nih theih nan hian rampuma ṭanrual a ngai a ni, a ti. A thusawi hi Home Minister Rajnath Singh pawhin a pawmpui thu a sawi ve nghal bawk.

Nimin vek khan Prime Minister Narendra Modi kaihhruaiin Kash≠mir Valley chung≠chang ngaih≠≠tuah hian all-party mee≠ting neih a ni a, buai≠na chinfel a nih theih dan kawngte ngaihtuah ho a ni.