2017 aṭangin Railway Budget tihrang tawh dawn lo

Kum 92 chhung zet lo hman tawh, Railway Budget hran siam ṭhin chu kum 2017 aṭangin tihtawp a ni dawn. General Budget-ah telh a ni tawh ang.

Finance Ministry chuan, Railway Minister Suresh Prabhu-aín General Budget-a Railway Budget chhunfin a rawtna chu a pawmsak a ni. Hemi chungchang buaipui tur leh hma la tur hian Finance Ministry chuan member panga awmna committee a din nghal a, committee hian August 31-ah report a thehlut dawn a ni.

Suresh Prabhu chuan, ìFinance Minister Arun Jaitley-a hnenah General Budget-a Railway Budget telh tura ngenna hi ka thawn a ni. Hei hi Railway tan leh ram tan pawh a ṭha zawk dawn a, kalpui dan tur pawh kan buaipui mek a niî a ti.

7th Pay Commission-in hlawhbi thar a siamah hian Railways hian kum khatah cheng vaibelchhe 40,000 zet a senbelh dawn a ni. Hei bakah hian rail project hrang hrang tihkhawtlai avangin cheng vaibelchhe nuai 1.07 zet a senbelh tawh bawk. Budget hi chhunfin a nih chuan rel chuan man tihsan chungchangte chu Finance Minister kutah a awm tawh dawn a ni.

All India Railwaymenís Federation General Secretary Gopal Mishra chuan General Budget-a chhunluh a nih chuan Railway Ministry-in thuneihna hran a neihte chu a bo dawn tih a sawi a, ìMahse eng ang taka kalpui nge a nih dawn kan nghak phawt a niî a ti.