NIA officer-ten Urdu leh Arabic ṭawng zir dawn

National Investigation Agency (NIA) officer-te chuan khawchhak lam bialah firfiak hluar chho zel do letna kawng khat atan Urdu, Arabic leh Persia
ṭawngte an zir dawn.

Arabic, Urdu leh Persian ṭawng hriatthiam chu kum 2014-a West Bengal-a Birbhum district-a Khargragh beihna a thlen khan a ṭul hle tih hriat a lo ni tawh a ni. He pawikhawihna thleng chungchang chhuitu, NIA hian Persian, Urdu leh Arabic lehkhabu tam tham tak an hmuh tel khan, an mahniin an chingfel thei lo a, midang puihna an zawn a ngaih phah a ni.

NIA official chuan, ìKan lehkhabu hmuhte kha hrethiam tur chuan an ṭawng thiamte kan pun a ngai a, hei vang hian officer-te chuan heng ṭawngte hi eng emaw chen tal an thiam a ngai a ni tih kan hrechhuak a niî a ti.

Officer leh investigator-te chuan Hindi leh English bakah an mahni ṭawngte chu an thiam nal hle a, mahse ṭawng dang hi an thiambelh chuan firfiak beih≠letna kawngah pawh a ṭangkai dawn hle tih a sawi.

Kolkata-a NIA SP, Vikram KHalate chuan Calcutta University hnenah lehkha thawnin, agency tana language training class buatsaih sak tur hian a lo ngen tawh a ni.