J&K CM in cabinet meeting hmasa ber kaihruai

Jammu and Kashmir chief minister Omar Abdullah chuan a kaihhruai sorkar cabinet meeting hmasa ber chu nimin, Thawṭanni khan Jammu-a Civil Secretariat-ah a kaihruai. Meeting-ah hian harsatna hrang hrang sutkian dan leh in relbawlna tur atana rawtna leh ruahmanna hrang hrang awmte an ngaihtuah.

Nimina cabinet meeting-ah hian agenda 10 ngaihtuaihin, a thutluknate pawh siam nghal a ni. Heng zingah hian sorkar hnathawk leh pensioner te hnenah a tahtawla Dearness Allowance(DA) pek chhuahna turte pawh a tel.

Cabinet meeting hian Dental Council of India (DCI) kaihhruaina duan zulzuia Government Dental College, Srinagar, leh Indira Gandhi Government Dental College, Jammu-a 3-tier faculty structure siamna tur pawh a pawm bawk. Hei bakah Jammu and Kashmir Services Selection Board-a selection siamṭhat dan turte an ngaihtuah bawk. Services Selection Board chuan Pay Level-6 hnuaia oral test/interviews/viva-voce neih ṭhin tih bo a rawt a ni. Jammu and Kashmir Goods and Services Tax Act, 2017 leh J&K Excise Policy 2025 te pawh an ngaituah ho bawk.

Cabinet hian dan siam tute nen a ngaihtuah turin budget session neih a nih hun tur rawtna chu Jammu Lt Governor Manoj Sinha hnenah an thlen nghal niin nia sawi a ni. J&K hi Union territory a dah thlak a nih hnuah Omar-a kaihhruai National Conference chuan nikum October 16, 2024-a assemblyu inthlanah khan hnehna an chang a ni.