Uttarakhand cabinet-in UCC regulation a pawm

Uttarakhan cabinet chuan nimina meeting an neihah Uniform Civil Code (UCC) regulations chu official-in an pawm a, an state-ah hman thuai a ni ang.

Chief minister Pushkar Singh Dhami chuan official-a pawm a nih tak avangin, an state-a UCC kalpuina tura hriattirna chu sorkarin tun thla chhungin a ti chhuak dawn niin a sawi.

Uttarakhand hian UCC hi Republic Day, January 15 aṭangin a hmang ṭan dawn nia sawi thawm pawh a awm a, sorkar lam chuan a hman ṭan tur ni hi official-in a la puangzar lo. Hetih lai hian department hrang hrangte chaun vawiin aṭangin UCC portal enchhinna an nei ṭan tawh ang. Hemi hma hian kar eng emaw zat chhung ch UCC portal zirini official ten training an lo nei tawh a ni.

CM Dhami chuan a hma pawhin kumin January thlaah UCC an hman ṭan tur thu hi a lo sawi lang tawh a, hemi atana inbuatsaihnate peihfel a ni thuak tawh tih a sawi. Hei hi an ti hlawhtling a nih chuan, Uttarakhand hi India independence hnuah state zinga UCC hmang hmasa ber a ni ang.

Uttarakhand-a UCC hman tur hian personal law - inneih, inṭhen, inenkawl zuina, property rights , adoption leh thil rochun tur thlengin a huam dawn. Innei chiah loa cheng dun, live-in relationship thlengin, an faten dikna chanvo in ang an neih theihna turin a huam tel vek dawn tih official chuan a tarlang. Official-ten training an neihnaa nodal officer, Ajay Mishra chuan oficial-te pawh an chanpualte zirtir vek niin, he system hi digital leh langtlang taka kalpui a ni dawn tih a sawi. Vantlang mipui, he dan chungchang hrethiam lote chuan Common Service Center-a an zawhchian theih reng tur thu a sawi bawk.