EAM-in Australia leh Japan foreign minister-te kawm

External Affairs Minister(EAM) S. Jaishankar chuan Australia leh Japan foreign minister-te chu Pathianni khan Washington-ah a kawm a, Quad hnuaia thawh hona ṭha leh muanawm an neih theih dan tur an sawi ho.

EAM Jaishankar hi US President-elect Donald Trump lak luhnaa India aiawha tel turin a zin a ni. Pathianni khan Quad member zinga mi, Australia leh Japan foreign minister-te nen hian meeting hi an nei a ni. Quad-ah hian member ram pali - Australia, India, Japan leh US an awm a ni.

Jaishankar chuan an inkawmna neih chungchang hi X ah tarlangin," Australian foreign minister Penny Wong, Quad-a ka thawhpui nen vawiin khan Washington ah a hma ang bawkin in kawmna hun hlimawm tak kan hmang a ni" tiin, hemi hnu hian Japan foreign minister Takeshi Iwaya nen ram pahnih thawh dunna ti hmasawn theitu leh an hlawhtlin tawhna te thlirletna hun an neih bakah Quad huam chhung ram hmasawnna awm theihna tur te an sawi dun thu a tarlang bawk.

Donald Trump-a'n US secretary of state atana a rawt, marcbo Rubio chu Senate in a pawm hunah Jaishankar nen hian meeting an nei nghal dawn nia sawi a ni. Senate hian an ram huna Thawhṭanni zanah khan Rubio hi pawmin, lak luh nghal a ni rin a ni.