Non-immigrant visa interview dil dan siamṭha
US Embassy leh Consulate-a non-immigrant visa interview dilte tan ruahmanna siam chu tun thla tir aṭang khan hman ṭan a ni. He ruahmanna an siam thar hnuaiah hian diltute chuan an appointment siam chu vawi khat chauh siam danglam phalsak an ni.
Non-immigrant visa diltu, an appointment neih hun nang lote chuan Visa Application Center, U.S. Embassy emaw Consulates ah emaw visa application fee pe tharin, appointment neih hun tur hi an siamṭhat leh a ngai ang.
He policy thar appointment an hmuh theihna tur hun rei tak an nghah ngai ṭhin tih ziaawmna tura ruahman a ni. Appointment nang lo te, an hun thlak leh an inlan huna inlan lohte hian diltu dangte interview theih hun an ti khawtlai ṭhin tih an tarlang a. India rama U.S. Embassy leh Consulates te chuan visa diltu zawng zawngte tan service mumal tak, quality ṭha tak pek an tum tih an sawi bawk.