PM chungah CJI Thakur a lawm lo

Chief Justice of India TS Thakur chuan Prime Minister Narendra Modi-an Indepen≠dence Day thuchah a sawiah judicial appointment tihkhaw≠tlai vanga harsatna awm chung^≠chang a sawichhuak lo chu a lawm lo tih a sawi.

Supreme Court Bar Association huaihawta I-Day lawmnaa thu a sawiah, Thakur chuan sorkar laipui chu judiciary lam buaina chu ngaihsak tura a duh thu a sawi. Hemi hma hian judge ruat tur tihkhawtlai reng chu sorkar laipuiin a tihfel thuai loh chuan thupek tihchhuah hnanah a lo vau tawh bawk.

CJI chuan, "PM Modi chuan judiciary delivery system buaina chungchang a sawi ngei ka lo ring a, mahse engmah a sawi lang lo a ni" a ti. Judge ruat tur tihfel a nih mai loh vang hian court hrang hrang rorelna pawh a tibahlah nia a ngaih thu a sawi.

India rama high court 24-te hian judge indaih tawk loh avangin thubuai tihkhawtlai maktaduai li vel an nei a, hei bakah hian trial court-ah thubuai tikhawtlai maktaduai 30 vel a awm bawk. Tuna judge awm zat nena chhutin, heng thubuai tangkhang mekte hi chinfel mai theih a ni lo nia sawi a ni.

Chief Justice chuan kum≠in February thla khan High Court judge atana ruat tur mi 75-te hming chu sorkar laipui an thawn tawh a, mahse tun thlengin engmah hmasawnna a la awm lo tih a sawi. Judge atana an rawtte hming pawh hi a chhiarchhuak a ni.