Airport-te CISF hnuaia dah vek duh

Home Ministry chuan Civil Aviation Ministry-in airport venhim hna thawktu tur, aviation security force hran siam a rawtna chu a hnawl. Sorkar laipui chuan ramchhunga airport zawng zawng venhim hna chu Central Industrial Security Force (CISF) kuta dah a duh zawk niin ministry official chuan a sawi.

Kum 2012 khan airport tana force hran siam hi khatih laia Aviation Mi≠nister Ajit Singh chuan a lo sawi≠chhuak tawh a, mahse hei pawh hi Home Ministry lam chuan an pawmpui lo a ni.

Minister of State for Home Kiren Rijiju chuan airport zawng zawng venhimnate enṭhat vek a nih tur thu leh, ruahmanna
ṭha tak siam a ni dawn tih a sawi. Airport security audit ti tur hian hriattir an ni tawh a, an report behchhan hian security pawh tihchangtlun a ni dawn a ni, a ti.

National Security Adviser Ajit Do≠val-a'n Civil Aviation Ministry regulatory body, Bureau of Civil Aviation Security of force hran siam turin a tlak tawk lo tia review meeting-a a sawi hnuin, airport venhim hnaCISF kutah dah vek hi an rel a ni. Doval chuan venhimna lam buaipui tur hian Home Ministry chu a tlak zawk a, tawnhriat pawh a nei ṭha zawk niin a sawi.

August 5-a review meeting an neih≠ah hian Doval chuan civil aviation official-te chuan airport tam takah a chhehvela building sang tak tak awmte venhimna lamah an ngaihthah niin a sawi bawk. Meeting-ah hian airport-a zin tur leh hmuak tur motor kalte endik dante, bungrua enfiah dante, flying object dang leh drone lo enfiah dan turte, Standard Operating Procedures (SoP) duang turin member pali awmna committee din a ni a, ni 20 hnuah report hi thehlut tura tih an ni.

He meeting hian ramchhunga civil airport 98 te chu CISF venhimna hnuai≠a dah vek an rel a, heng airport zinga 30-te hi CISF-ten an la veng lo a ni. Airport 56 te chu sensitive category-a dah ni mah se, heng zinga 37 te chauh hi CISF hian an veng a ni.