EAM leh Rubio-in US-a Indian dan loa pemlut chungchang sawi dun

Quad Foreign minister meet, Washington-a neihah US secretary of state Marco Rubio leh external affairs minister (EAM) Jaishankar chuan US-a dan loa pemlut Indian awmte chungchang an sawi dun. He meeting-ah hian Japan leh Australia foreign minister te an tel ve bawk.

Rubio hian Thawhlehnia US State Department-a mawhphurhna a lak hnua ramdang aiawh mi pawimawhte a kawmna hmasa ber a ni. Quad summit 2025 hi India thlen hun chiah niin nikum lam khan US president kal chhuak ta, Joe Biden remchan zawkna vangin US ah hman a lo ni tawh a ni.

Jaishankar leh Rubio te chuan huam zau takin harsatna awm thei te an ngaihtuah a ni. Ram pahnih inkar tih hmasawn a nih theih na tur hrang hrang heng, technology huang a harsatna lian tham awm thei chungchangte, venhimna thawh hona ṭha siam te, energy chunchang leh Indo-Pacific huam chhunga hmasawnna awm theih na tur te an sawi dun niin US State Department chuan Nilaini khan a tarlang.

Ram pahnih hruaitute hian President Trump-a'n dan loa pem lut tih tlemna tur dan khauh tak a siam chungchang pawh an sawi bawk. US Immigration agency (ICE) in a tarlan danin tun dinhmunah US-a Indian mi mtd 1.4 awm zingah document mumal lo nuai 7.25 lai an awm. Dan loa awm zingah hian 18,000 te chu thawn haw tura tih niin, hemi thawn haw chungchangah hian India chuan ṭha taka a thawhpui a besei thu Rubio hian Jaishankar a hrilh bawk.

President Trump-a'n US-a Citizenship by Birth tih tawp a tum chu US Court-in a hnawl lo a nih chuan ni 30 chhung ngei a hman tum a ni. He ruahmanna hi hman a nih chuan US-a Indian H1-B visas hmanga hnathawk leh temporary visa nei bakah, chhungkaw din tuma awm sang tam tak a nghawng thei dawn a ni.