J&K-a Badhal khua containment zone-ah puang

Jammu and Kashmir-a Rajouri district huam chhunga Badhal thingtlang khua chu nimin, Nilaini khan containment zone ah puan a ni. Hei hi tunhnai December 7 leh January 19 inkara chhungkaw thum aṭanga natna hriat chhuah loh vanga thi mi 17 an awm tawh vang niin, thi zingah hian naupang 13 an tel.

Containment zone hi hmun thumah ṭhen niin vantlang leh mimal anga punkhawm huaihawt chu khap a ni. He khuaa cheng mi pakhat chu dinhmun ṭha lo takah awmin damdawiin ah dah luh a ni leh tawh niin official chuan an tarlang. Natna in a nghawng chhungkua te hi pawn chhuak lo tura khung hran an ni.

Thuneitute chuan Badhal khuaa vantlang tuikhur aṭanga tui lak zawng zawng chu mipui him tlanna a tan lak a khap rih a, hei bakah hian vantlang ruaiṭheh pawh khap a ni bawk. Doctor chuan thihna te an zir chian hnuin neurotoxins chu thihna thlen tu ni a rin ni mah se heng thil thlen theite hi hriatchhuah a la nih loh thu an tarlang.