India leh China sipaiten September thla tirah silai hmetpuak

Ladkha-a Pangong Tso (lake) hmar lamah tun thla tir khan India leh China sipaite chuan silai an hmetpuak niin India media-te chuan an tarlang a, mahse an silai hmeh puah hi invau khanna mai niin an tarlang bawk.

Ram pahnih sipaite silai hmehpuahna hmun hi Pangong Tso hmar lama Chushul sub-sector-ah a ni. 

September 10 khan Russia khawpui Moscow-ah external affairs minister S Jaishankar leh China foreign minister Wang Yi chuan ramri chungchanga buaina thleng ṭhin chu chinfel a nih theihna atan inremna point 5 lai an lo ziak tawh a, mahse inremna an ziah hmain silai hmehpuah hmanga invau khanna hi a thleng niin media-te chuan an tarlang.

Kar liam ta khan China sipaite chuan Pangong Lake chhim lamah van lam hawiin an silai an hmetpuak nia sawi a ni tawh bawk. Satellite thlalak aṭanga a lan dan chuan Pangong Lake huam chhunga chhim lamah hian China sipai post thar siam hmuh a ni. Pangong Lake hmar lamah pawh China sipaite hian thil siam an nei nia hmuh a ni bawk.