MP hlawh 30% a tihtlemna tur bill pass

Lok Sabha rorel inkhawm, Thawhlehnia neihah hripui leng mek dona kawnga sorkarin sum mamawh phuhrukna kawng khat atan, kum khat chhung Parliament member-te hlawh 30% a tihtlemna tur bill chu pass a ni. 

Bill hi Thawhṭanni khan pharh niin, nimin khan lungrual takin member-ten an pass a ni. Kumin kumtir lam khan sorkar laipui chuan April 1, 2020 aṭanga kum khat chhunga minister-te hlawh 30% a tihtlemna tur Salaries and Allowances of Ministers (Amendment) Ordinance, 2020 chu a lo siam tawh a ni. 

April 5 khan prime minister Narendra Modi kaihhruaia union cabinet meeting chuan MP leh minister hlawh siamṭhatna tur ordinance hi a pawm a, an allowance hi pension chu 30% in tihtlem a ni. Cabinet chuan kum hnih chhung atan MP Local Area Development (MPLAD) pawh tihtawpin, hemi atana sum ruahman chu consolidated fund-ah a dah.Kum hnih chhung tana MPLAD fund  hi cheng vaibelchhe 7,900 a ni. 

Union information and broadcasting minister Prakash Javadekar chuan president Ram Nath Kovind, vice president Venkaiah Naidu leh Governor-te pawhin an hlawh hi 30% a tihtlem an rawt bawk tih a sawi.