SII-in Covid-19 vaccine enchhin chhunzawm dawn
Drugs Controller General of India (DCGI) hnen aṭanga phalna a neih hunah, Serum Institute of India (SII) chuan Covid-19 vaccine a enchhin chhunzawm thei dawn. DCGI hian clinic-a phase 2 leh 3 enchhinna kalpui a phalsak bawk a ni.
British-Swedish Pharmaceutical company, AstraZeneca leh Oxford University ṭangkhawp chuan Covid-19 vaccine a siam a, hei hi ram hrang hrangah enchhinna neih mek a ni.
August 25 aṭang khan Pune-a Serum Institute of India (SII) chuan Oxford Covid-19 vaccine chu mihringa enchhinna, phase 2 human clinical trial a nei ṭan a, hemi hnu September 11 khan Drugs Controller General of India (DCGI) chuan show cause notice a pek avangin SII chuan Covid-19 vaccine enchhinna a neih mek chu a titawp lailawk a ni. Mahse DCGI hian kalpui chhunzawm leh a phalsak leh tak avangin vaccine clinical trial hi chhunzawm leh a ni ang.