Maharashtra-a ralthuam siamna puakah mi 8 thi

Maharashtra-a Bhandara district-ah nimin Zirtawpni khan ralthuam siamna hmun a puak a, thawktu mi pariat an thi a, mi dang pasarihin hliam an tuar.

Police-te chuan thil puak hi chawhma dar 10:30 vela thleng niin an sawi. Ralthuam siamna hmun puak hi LTP section Jawahar Naga huam chhunga awm a ni. Thil puak hian factory chung pawh a ti chim a ni. Chhanchhuah hna thawktute hi a hmunah tirh nghal niin, thil puakin a tih chhiat thenfai hna hi earthmover hmanga thawh a ni bawk. Hliam tuarte enkawl tur hian medical team pawh an kal nghal a ni.

Union minister Nitin Gadkari chuan chhiatna thleng chu pawi a tih hle tih saiwin, Chief minister Devendra Fadnavis chuan chhiatna thleng chu pawi a tih thu sawiin, nunna chan chhungte a tawrhpui thu a sawi.