FSSAI-in eitura thil pawlh tur zat bihthliah dawn
Food Safety and Standards Authority of India (FSSAI) chuan ram chhunga ei tur siam chhuaha fat, sugar leh salt telh tur zat bithliah siam turin expert group a din.
Delhi High Court-in FSSAI hnena kaihhruaina dan siam tura a hriattir hnuah he thutlukna hi siam a ni. FSSAI chuan expert group-ah hian member 11 awmin, doctor, dietician-te bakah AIIMS leh institution danga mithiamte dah an ni tih a sawi.
Panel hian FSSAI hnenah hian ei tur chi zawrh chhuaha fat, sugar leh salt telh zat te ziak lang zel tur leh, thil eina hmun leh catering-ahte pawh tarlan tir zel turin a rawt dawn bawk.
June 5 khan FSSAI chuan Nestle siam Maggi noodles-ah lead leh hmehhan (monosodium glumatate) awm chu mihring hriselna atana him lo chin nia sawiin zawrh chhuah a lo khap tawh a ni.