Mumbai tuipuiah sumdawng lawng a pil

Mumbai tuipuiah Pathianni zan khan sumdawng lawng a pil a, Navy te'n chhanchhuah hna thawkin lawnga chuang mi 20 an chhanchhuak.

Ministry of Defence thu­puangtu, Sitanshu Kar chuan lawnga chuang an chhan­chhuahte hi a thawktute vek an ni a, an zingah hian lawng captain pawh a tel tih a sawi.

Lawng chesual h 'Jindal Kamakshi' a ni a, Pathianni zan dar 11.10 vel khan puih an ngaih thu an sawi a ni. Pui tura ngenna an hmuh hnuah Navy chuan Sea King heli­copter tir chhuakin, nimin zing khan lawnga thawk mi 19-te chu helicopter hmang hian khaichhuah an ni a, a hnuah lawng captain an chhanchhuak leh a ni.

Chhanchhuah an nih hnuah lawnga thawkte hi Colaba-a INS Shikra Naval Air Station-ah hruaiin, damdawi lam thiamte'n an endik nghal.