Central school-ah yoga zir ngei ngei turin ti

Central sorkar hnuaia school hrang hranga Class VI - X inkarah yoga chu com­pul­sory subject-ah dah a ni. Hei bakah hian teacher education prog­ram-ah yoga hi telh tura tih a ni bawk.

Human Resources Deve­lopment (HRD) Minister Smirti Irani chuan nimin khan yoga zirna tur bika syllabus leh course material a tlangzarh. Minis­ter chuan nakkum aṭangin yoga bikah hian national level competition buatsaih a nih tur thu leh, a ti ṭha ber zirlai hnenah cheng nuai nga pek a nih tur thu a sawi. Hemi rual hian zirlaite chu yoga an prac­tice laia rilru leh tih takzeta ti tura a duh thu a sawi bawk.

Central Board of School Education (CBSE) chuan a hnuaia school hrang hranga yoga kalpui a nih dan tur hi a lo tifel lo. Mahse he program hi Kendriya Vidyalayas leh Jawahar Navodaya Vidyalayas-ahte chuan kalpui nghal ngei ngei tura tih an ni.

Minister chuan school zir­tirtute hman tur bik yoga syllabus chu an buatsaih mek tih a sawi. "Zirtirtute tan hian yoga education bikah diploma, bachelor leh master degree thlenga buatsaih a ni ang," a ti.