Hnam puanzar zah loah PM Modi puh

Prime Minister Narendra Modi chu hnam puanzar zah lo taka a hmai hrukna atana hmangah puh a ni.

Pathiannia International Yoga Day hmanna pui ber, New Delhi-ah khan PM Modi hian zah lo takin hnam puanzar chu a hmai hrukna atan a hmang tia puh a ni.

Nellithope-a cheng, V Sundarh chuan Orleanpet Police Station-ah PM laka complain hi a thehlut a ni.

Dalit Sena general secretary, Sundar chuan Thawhṭanni khan PM-in hnam puanzar-a a hmai a hru lai thlalak hi WhatsApp ah a dawng tih a sawi. PM thiltih dan chu ṭha lo a tih avangin tlaiah Orleanpet police station panin, complain hi a thehlut ta niin a sawi.

A tirah police-te chuan a thu thehluh chu a ngaihven sak duh lo tih Sundar chuan a sawi a, mahse a nawr luih hnuah acknowlegement receipt an pe ta tih a sawi.