MP-a tuilianin khaw 89 a chim

Madhya Pradesh-ah tuilianin thingtlang khaw 89 a chim a, mi 25,000 velin harsatna an tawk mek.

Ni thum chhung ruah nasa taka a sur avang≠in Rewa leh Satna district-ah tui a lian a, tuilian tuarte chhan≠chhuak tur hian sipai tirh luh an ni. Sipaite hian district pahniha tuilian tuarte hi lawng hmangin an thiar chhuak.

Rewa District official Rahul Jain chuan Bihad leh Timar lui bula khaw awmte chu tuilian hian a chim vek niin a sawi, tuilian tuar≠te hi rescue camp-ah hruai an ni.

Chhanchhuah hna thawk tur hian Allahabad leh Jabalpur-a sipaite tirh an nih bakah, police, Home Guard leh National Disaster Response Force (NDFR) team pawh tirh an ni bawk.