DMK-in PIL thehlut

Tamil Nadu-a eptu pawl, DMK MLA zawng zawng chu assembly rorel inkhawm an tihbuai avangin Nilaini khan Speaker P Dhanapal chuan kar khat chhung atan a suspend a, House aṭangin a hnawtchhuak nghal bawk.

Nimin khan DMK chuan an party MLA-te hremna an nih vang hian Madras High Court≠-ah PIL a thehlut a, speaker chu a thuneih≠na hmangsualah an puh. DMK PIL thehluh hi karleh Nilaini hian ngaihtuah a ni ang.

DMK hotu, MK Stalin chuan Assembly Speaker chu a rorel danah ṭan lam a nei niin a sawi a, hei hi democracy kalphung a ni lo, a ti. DMK MLA zawng zawng House rorelnaa tel phalsak an nih loh vangin an state mipuite zinga 35% vel aiawhte chu an state tana thil pawimawh tak tak relnaah an tel ve thei ta lo a ni, tiin PIL thehluhah chuan an tarlang bawk.

House rorelnaa tel phalsak an nih loh vangin nimin khan DMK MLA-te hi Assembyh House kawtah an party hruaitu Stalin-a kaihhruaiin rorel inkhawm lai lem an chang. Darkar khat chhung inkhawm lem hi an chang a, speaker lem changtu Murugan chuan a thu chu dan a ni a, midangin an inrawlh thiang lo niin a sawi. An zinga mi ngawi tura a tih chuan, ngawi rengin a
ṭhu nghal mai tur a ni, a ti.