Jat hnam buaina CBI chhuitir tum

Haryana sorkar chuan an state chhunga Jat hnamten reservation pek phuta nawrh an huaihawt ṭuma buaina chhuak chungchang chu Central Bureau of Investigation (CBI) chhui chian tir a tum a, hei bakah hian Finance Minister Capt Abhimanyu-a chenna in beih chungchang pawh an chhui tir nghal ang.

State sorkar chuan sorkar laipui hnenah Jat hnamten nawrh an huai≠hawt laia tharum thawhna nasa tak chhuak te, van≠tlang hmun pawimawh hal a nih dan te, Inspector General of Police (IGP) chenna leh Circuit House bakah minister in leh sorkar building beih a nih dante chu CBI chhuitir turin a ngen a ni.

Jat hnamten sorkar hna leh zirna ina an hnam puala chanpual siam≠sak phuta nawrh an huai≠hawtna pui ber, Roh≠tak khuaah chuan buaina chhuak vangin mi 30 chuangin nunna an chan a, vantlang hmun pawi≠mawh an tihchhiatte chu cheng vaibelchhe za tel man a tling.

Mipui nawrh huai≠hawt≠ten an tihchhiat zing≠ah hian Capt Abhi≠manya-a in pawh a tel. February 19 khan mi ṭhen≠khat chu minister inah hian lutin an halsak a, an chhungkaw member pakua-te chu thah an tum bawk. Hetihlai hian minister hi Chandigarh-ah a awm lai a ni a, politics lama an hmelmaten an chhungkua thah mang vek an tum a ni, a ti. Buaina thleng chungchang CBI chhui tir tum a ni chu lawmawm a tih thu a sawi bawk.