DMK MLA-te thubuai siamsak

Tamil Nadu-a eptu party, Dravida Munnetra Kazhagam (DMK) MLA-te chu Assembly House rorel tibuai zawnga an khawsak avangin Spea≠ker-in kar khat chhung atan a suspend a, mahse suspend an nih hnuah Assembly House kawtah nawrh an huaihawt avang≠in thubuai siamsak an ni.

DMK party hotu Stalin leh party MLA-te hi House rorelnaa tel thei lo tura hrem an nih hnuin, kar kalta Zirtawpni khan Assembly compound chhungah ṭhukhawmin, session lem an chang a ni. Hei vang hian Fort Police Station Inspector chuan DMK MLA-te lakah hian August 18 leh 19 khan FIR pahnih a ziak lut.

Stalin leh party MLA 78-te hi IPS Section 143 (phalloha punkhawmna buatsaiha tel) leh 188 (thupek awih lo) hnuaiah thubuai siamsak an ni.