Ruah sur nasa vangin mi 27 thi

Madhya Pradesh, Rajasthan leh Uttarakhand state-ah kar kalta Zirtawpni aṭang khan ruahsur nasa avangin mi 27 an thi tawh a, Bihar state-ah pawh lui a lian bawk.

Madhya Pradesh state-ah chuan ruah≠sur nasa avanga tuilian leh chhiatna thlengah mi 15 an thi a, Met department chuan state chhung district ṭhenkhatah chuan ruah hi a la sur chhunzawm zel dawn niin a sawi. Rewa district-a tuilian tuarte chu Indian Air Force thlawhtheihna pathum hmangin ei tur leh damdawite thlak sak an ni.

Rajasthan-ah chuan Inrinni zing khan ruahsur nasa vangin Baran district-a Phool Barod khuaa in chimah mi panga an thi a, state chhung hmun tam takah tui a lian bawk. Chabra,Chipabarode, Kawai, Harnavadashahaji bialah chuan tuilian vangin mi tam tak an tangkhang mek.

Uttarakhand-ah pawh Inrinni khan Paudi district-a tuilian vangin mi pasarih an thi a, tuilian tuarte chhanchhuah leh chhawmdawl hna thawk tur hian sipai tirh nghal an ni. Baran district-ah tui≠lian tuar mi 24-te chu thlawhtheihna hmangin chhanchhuah an ni tawh a, thingtlang khaw eng emaw zat chu tui≠lian hian a chim tawh bawk.