India ramah Gulen-a pawlte an lut : Turkey

Turkey Foreign Minister Mevlut Cavusoglu chuan July thlaa Turkey sorkar paithlak tuma beihnaa mawhphurtu bera an puh, Islam hotu Fethullah Gulen-a pawl, Fethullah Gulen Terrorist Organisation (FETO) chu India ramah an lut tawh niin a sawi.

Cavusoglu chuan FETO chu a ruka pawikhawihna thil kalpuitu network a ni tih sawiin, khawvel ram hrang hrangah an lut tawh a ni, a ti. ìVanduaithlak takin India ramah pawh association leh school hrang hrang kaltlangin FETO-te hi an inkhuar tawh a niî a ti.

Hemi chungchang hi External Affairs Minister Sushma Swaraj-i pawh a hrilh tawh thu Cavusoglu chuan a sawi. India leh Turkey chu ram himna tiderthawng thei thilah chanchin an inhrilh tawn a, firfiaka chetna thleng thei veng tura thawhdunna ṭha an neih a ngai tih a sawi.

External Affairs ministry chuan Turkey minister thusawi chu uluk taka an ngaihtuah thu leh, security agency-te chuan FETO nena inzawmna nei pawl hrang hrangte tihtawp sak tura Turkey sorkar ngenna pawh a enfiah mek a ni, a ti.