Punjab-ah bawng humhalhtu pawl hotu man

Punjab-a bawng humhalhtu pawl, Gau Raksha Dal hotu Satish Kumar chu Patiala police-ten an man. Kumar hi mi rukbo, hnehchhuha midang pawisa laksak leh dan phal loha cheah puhin thubuai siamsak a lo ni tawh a ni.

Bawnga sumdawng pakhatin complaint a thehluh behchhana thubuai siamsak a nih hnuah Satish Kumar hi kar khat chhung a biru a, mahse nimin khan Patiala police-te chuan an man ta a ni. Complaint thehluttu hian Kumar-a leh a hote hian kut an thlak bakah, mipat hmeichhiatna lam hawiin mawi lo takin an che bawk niin a sawi.

Investigator-te chuan Punjab chu bawng humhalhtu pawl intite chet hluar≠na a ni tih sawiin, heng pawl ṭhenkhat hi mafia ang maia chein, bawnga sumdawngte kut an thlak bakah an sumte an hneh≠chhuhsak ṭhin niin an sawi. Gau Raksha-te hian an bawng phurtu truck, an state paltlangte chu Rs 20,000 zel an lo laksak ṭhin.