Delhi inthlan boruak sosang, BJP-in duhsak zawngah pawisa sem: Kejriwal

Aam Aadmi Party(AAP) national convener leh Delhi chief minister hlui, Arvind Kejriwal chuan thla thara in thlan awm tur chungchang sawiin inthlan chu national capital chhung chauha in beihna ni loin, rampum nghawng thei a nih thu a sawi.

Kejriwal chuan inthlan lo awm turah hian AAP leh BJP chuan kalphung in ang lo tak an neih thu sawiin, pawl pakhat chu vantlang hmasawnna leh changkannaah an in sawrbing laiin, BJP chuan mi hausa sa leh thlan bikte chauh thleng phak a, hlawkna an tel theihna tur chu an thil tum a ni thung, tiin a tarlang.

Delhi CM hlui hian BJP kaihhruai sorkar laipui chu sawiselin an rorelna hnuaiah kum nga liam ta chhungin industrialist 400-500 te leiba Rs vbc nuai 10 chuang a ngaihdam sak niin a tarlang. "BJP chuan an ṭhian hnaite hnenah pawisa emaw loan emaw puk tirin chu sum puk chu kum hnih thum hnuah a ziah bo sak leh mai ṭhin. Mahse AAP chuan vantlangin hlawkna an tel nghal theih tur pein, hemi zingah hian welfare scheme Rs 25,000 hu chu thlatin Delhi in tinah pek a ni" tiin a sawi bawk.

BJP-in rorelna an chang a nih chuan AAP hnuaia welfare scheme duansa zawng zawng chu tih tawp an tum niin a sawi a,"BJP chuan kawlphetha hman man, hmeichhiate bus chuan man awm lo te, leh mipui hlawkpui tura Delhi sorkarin a thil duante tih tawp an tum a ni" tiin Kejriwal chuan a sawi.

Member 70 awmna, Delhi assembly inthlan hi February 5 ah neih a ni dawn a, February 8 ah vote tla te chhiar a ni ang. AAP hian a zawna a term thum nan hnehna chan leh ngei an tum mek a, hetih rual hian BJP lam pawhin ram chhung hmunpui berah 1998 hnua a vawikhatna atan hnehna chan ngei tumin hma an la ve mek bawk.