EAM in ni thum cham turin UAE pan

External Affairs Minister(EAM) S. Jaishankar chuan nimin, Thawhṭanni khan ni thum chhung cham turin United Arab Emirates(UAE) a pan. EAM hian ram pahnihte thawhdunna hrang hrang tih hmasawnna turin Gulf ram hruaitute inbiakna a neihpui ang.

Ministry of External Affairs (MEA) chuan Jaishankar hian UAE ram hruaitute chu hmuin, ram pahnih inkar thawhdunna neih mekte ennawnin, huam zau leh thuk zawka thawhdunna tih len dan turte an sawi dawn a ni, a ti.

Jaishankar zin chhung hian ram pahnihte hian Israel leh Hamas inkara inkahhai puan hnua Gaza dinhmun ennawnna te neih tum a ni.

India leh UAE inlaichinna hian kum eng emaw zat liam ta aṭang khan hma a sawn chho zel. Kum 2022-a economic partnership agreement an ziah hnuah ram pahnih inkara sumdawnna leh investment-te chuan nasa takin hmasawnna a thlen a ni.

Jaishankar hian Abu Dhabi-a Raisina Middle East hawnna inkhawmah thu a sawi dawn bawk.