Lawng chesuala chuangte chhanchhuak

Daman tuipuiah nimin khan lawng a pil a, Indian Navy leh Coast Guard-te chuan lawnga thawk mi 14-te an chhuanchhuak.

Cement phurtu lawng lian, MV Coastal Pride chu nimin zing khan Daman chhim lama mel 24 vela hlaah a pil tiin defence ministry thupuangtu, Sitan­shu Kar chuan a sawi. Lawnga thawkte chu him taka chhanchhuah an ni, a ti.

Navy-te chuan chhan­chhuah hna thawk tur hian Sea King helicopter chu zing dar 7:58 khan a tir a, Caost Guard-te'n dar 8:40-ah Chetak helicopter pahnih an tir leh bawk.

Lawng pil hma hian Coast Guard-te chuan lawng thawktu mi paruk an chhanchhuak a, Sea King helicopter hmangin mi paruk chhanchhuah an ni bawk. Navy leh Coast Guard-te thawkdun chuan midang pahnih an chhanchhuak leh a ni.