India ramah emergency a thleng tawh lo ang : Arun Jaitley

Union Finance Minister Arun Jaitley chuan India ram chu emergency puan ngaia a awm a rin tawh loh thu a sawi.

Kar hmasa khan BJP hruaitu hlun, LK Advani chuan India ramah emergency a thleng tawh lo ang tih sawi theih a nih loh thu a sawi a, hei hian sawizui pawh a hlawh hle. Mahse Jaitley-a chuan hei hi chhangin, emergency hunlai, kum 1975-77 inkar kha India-in zalenna a neih hnua hun thim lai ber a ni, a ti. India chu khawvela democracy ram lian ber a nih avangin, dictatorial-a a awm leh chu thil theih a ni tawh lo, a ti.