'Laddoo Mahotsav' hmanna dawhsan chim vangin mi 6 in nunna chan

Uttar Pradesh-a Baghpat district-a Jain sakhaw zuituten an sakhaw kut kum 30 chuang an lo hman tawh, 'Laddo Mahotsav' lawmna atana dawhsan mau aṭanga siam chim vangin mi parukin nunna an chan a, mi 50 chuangin hliam an tuar bawk.

Baghpat police chief Arpit Vijayvargiya chuan police leh ambulance ten chhiat tawhna hmun chu rang taka thlengin hliam tuarte hi damdawi-in panpui nghal an nih thu a sawi. Hliam tenau deuhte erawh chu endik an nih hnuah haw tir leh nghal an ni.

Chief minister Yogi Adityanath chuan he thil thleng chungchang hi sawiin, a buaipuitu tur official-te chu a hmun thleng vat tur leh chhawmdawlna mumal pe vat tur te, chhanchhuah hna thawk thuai turte a a hrilh bakah, hliam tuarte an lo dam thuai theihna turin a lo ṭawngṭai pui reng thu a sawi.