AAP-in insawifiah turin Maha CM a phut

Delhi-a rorellai, Aam Aadmi Party (AAP) chuan Maharashtra-a BJP sor­kara Chief Minister Devendra Fadnavis chu a minister, Pankaja Munde-a eirua puh a nih chungchangah insawifiah turin a phut.

AAP hruaitu Asish Khetan chuan, "Devendra Fadnavis hian CM a nih khan a thil tum ber chu eirukna do a nih thu a sawi a, hetihlai hian a cabinet member chu eirukna lian tham takah inhnamhnawiha puh a ni. CM hian hemi chungchang hi a sawifiah a ngai a ni," a ti.

Maharashtra Minister Pankaja Mun­de hi sorkar school tana bungrua lei tur lilamnaah dan bawhchhiaah puh a ni a, dik lo taka thiltih vang hian cheng vaibelchhe 200 vel a chingpen nia sawi a ni. Eptute chuan thil lei tur order tihchhuah a nih dawnah minister chu a kalphung awmsate palzutah an puh a ni.

Sorkar danah chuan sorkar hnena thil supply tur, cheng nuai thum ching chunglam chu e-tender hmanga tih vek tur tih a ni. Mahse Maharashtra Women and Children Development Ministry chuan anganwandi school tana bungraw to uchuak taka leina tur chu tender tichhuak loin a tifel a ni.