IIM thar paruk siam dawn

Sorkar laipui chuan Indian Institute of Managment (IIM) thar paruk siam tura rawtna a pawmsak a, heng institution-ahte hian kumin academic sesion aṭang hian course kalpui nghal a ni ang.

IIM thar awmna turte chu- Visa­khapatnam (Andhra Pra­desh), Bodh Gaya (Bihar), Sir­maur (Himachal Pradesh), Nag­pur (Maharashtra), Sam­balpur (Odisha) leh Amritsar (Punjab) ahte a ni.

Institute din tharah hian post graduate course-ah zirlai 140 ṭheuh an la dawn a, CAT kaltlanga admission lak a ni ang. Sorkar laipui chuan zirlai an lak theih zat hi tihpun chhoh zel a, kum sarih hnuah chuan zirlai 560 vel an lak theih beisei a nih thu a sawi.

Union cabinet chuan khaw­tlang siamṭhatna kawng­a thawktu ropui, Jaik Pra­kash Narayan hriatrengna chu Bihar-a a pianna hmunah siam a remti bawk.