Jharkhand-ah Maoist hel 2 kahhlum an ni

Jharkhand-a West Singhbhum district-a security force leh CPI (Maoists) te in kahna thlengah Maoist mi lehsa pahnih kahhlum an ni. Inkahna thlenna hmun ah hian INSAS rifle pahnih man a ni bawk.

Chaibasa SP Ashutosh Shekhar chuan,"Jarkhand Police leh 209 Cobra Battallion ṭangkawpten Maoist hmachhawna beihpui an thlaknaah Maoist mi pahnih in nunna an chan a, pakhat zawk hi hmeichhia niin security force lamah hian hliam tenau nei an awm" tiin inbeihna thleng chunchang hi a sawi.

Inkahnaa thi pakhat zawk hi Maoist zonal commander, Sanjay Ganjhu tih finfiah tawh niin hmeichhia pakhat zawk hi Maoists Anal Da mi a ni a, a lu manah Rs vbc 1 chhiar a ni bawk. SP-in a tarlan danin Jharkhand Police leh 209 Cobra Battalion ṭangkawp hian Sonuwa huam chhunga Maoist chet tlatna dap chhuah beihpui an thlak chhunzawm nghal a ni.

Jharkhand Police-te hian huntiam siam chhunga Maoist nuaibo tumin beihpui an thlak chho mek zel a, helpawl nena inkahna thlengah hian tun thla chhungin Maoist mi leh sa pali chu thah an ni tawh bawk.