India - China thlawhtheihna service tir leh dawn

India leh China chuan kum nga hnuah direct commercial flight-chu service chhunzawm leh an remti.

Ram pahnih inkara thlawhtheihna direct service hi kum 2020-a Covid-19 hripui len vang khan tih tawp niin, hemi hnuah pawh hun eng emaw chen innghirnghona a awm vangin chhunzawm lohin a awm zui a ni. Mahse lungrual takin thlawhtheihna te service leh an remti leh thei a ni.

India foreign secretary Vikram Nisri leh China foreign minister Wang Yi-ten Thawhṭannia Beijing-a inkawmna an neih hnuah inremna siam a nih thu hi sawiin,"Dan pangngai anga thlawhtheihna direct service leh tum a ni a, official aṭangin thu kimchang zawk a rang lama inhriattir leh a ni ang," tiin an tarlang.

Thawhdunna ṭha neih zel theihna tur leh tih hmasawnna turin China Foreign Ministry chuan Mounth Kailash leh Lake Manasarovar, Tibet khawthlang lama awm te chu Indian sakhaw hmun thianghlim tlawh tute tan hawn leh a nih thu an tarlang bawk. Heng hmunte hi sakhaw hrang hrang - Hindu, Buddhist, Jain leh Bon-rinna vuan tute hmun thianghlim lar tak tak awmna te an ni.